بٍّعَِّّضِّ مِّنِّ حَِّّضِّوٍّرِيِّ وٍّأجِّمِّلِّ غَّيِّآبٍّيِّ ..!

[خالد العبيريد]

بسم الله الرحمن الرحيم ،،

سلام عليكم ورحمة الله وبركاته ،،
نضع في هذى القسم مجال لما يتهئ به الخاطر،،
من خواطر او ابيات شعر وكل ما يكون هناء من قلمي.

[ملكة الرواسي]

الف مبروك افتتاح المدونة

.
متابعة بصمت

[خالد العبيريد]

هذى وقوف الي على الوقفه يطيح
في ماجرى .. روحي ولا تنشدينه
خليه مع درب .. السنين المراويح
جعل العوض في مابقى من سنينه
صح البدن ماعاد يحتاج تصحيح
لو شاحت ظروفه يعينه يقينه
مستبدله ديناه كثر المشاويح
ومنها عرف وشهي حياة الغبينه
والا انتي عذرك غير لو كان تلميح
يكفي عقب جور الزمن تذكرينه
صرنا من أسباب المحبه مجاريح
وصدورنا للحزن حصن ٍ حصينه
لو سابق الخاطر على وصلك الريح
قلت انتي اقرب من خوافي كنينه
قلبٍ تعلق في رجاء وصلك يصيح
وانا أدري ان الوصل ماتقدرينه
خليه في سد الوجيه المكاليح
عذرك معك .. والله لو تتركينه..!
خالد العبيريد ،،��

[خالد العبيريد]

الف مبروك افتتاح المدونة

.
متابعة بصمت

الله يبارك فيك يالملكه ،،

شكرا ً لك ولمتابعتك .🌹

[محمد الغنامي]

الاخ خالد العبيريد
الف مبروك افتتاح المدونه
ان شاء الله تكون عامره بكل ماهو جميل
وتكون شاهده لك لا عليك ان شاء الله
صح لسانك على هالجزله
وكم تمنيت تكون في تاج القصيد
لايستمتع بها الجميع من الاعضاء والزوار
شاكر لك وجودك

[الجووهره]

الف مبروووك افتتاح المدونه اخوي خالد

متابعه لك ولابداعك

[خالد العبيريد]

الاخ خالد العبيريد
الف مبروك افتتاح المدونه
ان شاء الله تكون عامره بكل ماهو جميل
وتكون شاهده لك لا عليك ان شاء الله
صح لسانك على هالجزله
وكم تمنيت تكون في تاج القصيد
لايستمتع بها الجميع من الاعضاء والزوار
شاكر لك وجودك


مرحبابك يامحمد الغنامي هلا وسهلا ،،
الله يبارك فيك اخوي والاجمل اطلالتك واطراءك،،
وصح الله بدنك وصح قلبك لاعدمتك طال عمرك وباذن الله ،،
يكون لي تواجد مستمر في تاج القصيد لاخلا ولاعدم ،،
خالص تحياتي وتقديري لك .🌹

[خالد العبيريد]

الف مبروووك افتتاح المدونه اخوي خالد

متابعه لك ولابداعك

مرحبا ومسهلا يالمهااا ،،
الله يبارك فيك ويطول عمرك ،،
شكري لك ولمتابعتك .🌹

[خالد العبيريد]

تزعجني احلام الحياه العابره
واعيش في .. سكة غياهبها وحيد

الهم كم غنيت .. في منابره
واقول عاش الحزن في صدر السعيد

مكسور خاطر والتعالي جابره
رغم الطموح ، الي سكن عقل البليد

الليل يحيي حلم ذكرى غابره
لو ماوراها فايده يالمستفيد

يالله تعين أهل النفوس الصابره
تمضي على رجواك .. يالفجر البعيد

لو هي على ظروف الزمان مثابره
كذا كذا والي مضى صعبٍ يعيد

خالد العبيريد ..��

[ملكة الرواسي]

صباح الخير والسعادة
.

[خالد العبيريد]

صباح الخير والسعادة
.

وصباحك خير وسعادة ايضاً ..

[خالد العبيريد]

كنت اتحاشا البوح وازعج صمتي الموجع صداه
والخوف يسكن فالضماير ويتجزع سورها

لين استفز الروح ليلك واظلام الواقع سماه
وماتت على ذيك الغصون المورقات طيورها

اخذ اليقين.! من التوهم لايقين الا سواه
الي مشى كل الجهات الاربعه بجسورها

يغض لك عين الغضب.. ويشوفك بعين الرواه
شوف الكُتب تفسير ماضي.! والدليل سطورها

منك ليل.. وحلم .. مات ولاحصل عندك دواه
ليل موحش يقتل احلام القلوب ونورها

تعال .. اخذني رحلة النسيان مره فالحياه
لاصرت ناسي ودي انسى .. فالحياه ودورها

الله عطاك الحكم وأحكم كان فالرحله نجاه
مادمت أشوف الليل يقتل فرحتي وشعورها

ضعت في درب الصبر وانا اللذي ماسك عصاه
كل مارتكيت يطيح بي خلف السنين وجورها

معك مدري وش بقى فالعمر وش باقي وراه
الا أني الي هام .. فالدنيا وعام .. ابحورها

خالد العبيريد ...��

[خالد العبيريد]

يانازح الدار من دونك غيابك يزيد
وانا على درب وصلك مشعل ٍ ناري
عجزت احقق رجايه فالزمان السعيد
قضيت كل الليالي .. بالتعب ساري
ما شوفك من الغلا والشوق عني بعيد
كنك مع غيابي اتحدثني اخباري
في عيني الله خلقك من الخلايق وحيد
عنك يتغاضى الزمان وركبه الجاري
هذى الخيال الكبير الي لفا من جديد
ماجابه الليل لكن جابه الطاري
ايه استمع للقصايد وانت معنى القصيد
ولاتنشد عن الظروف وتفضح أسراري
في حبك الاول وعهدك تراني عنيد
ماطعت شور الغياب وسمه الهاري
خذني على كيفك وخذني على ماتريد
دامك على عرش قلبي تعزف اوتاري
خالد العبيريد

[النجلاء]

الف http://www.r111n.com/images/icons/icon26.gif الف http://www.r111n.com/images/icons/icon26.gif الف
مبروووووك
http://www.r111n.com/images/icons/icon26.gif
افتتاح المدونه الرائعه
قلم مميز يستحق الوقوف عليه
اعتبرني من زوارك والمتابعيين لركنك الفاخر
تهانينا لك
https://encrypted-tbn0.gstatic.com/images?q=tbn:ANd9GcQNPcSdjMTjDRpl5KKdHfXEk0gHso6Kr MpgPD6UKlZ8O9MTNVTX

[خالد العبيريد]

الف http://www.r111n.com/images/icons/icon26.gif الف http://www.r111n.com/images/icons/icon26.gif الف
مبروووووك
http://www.r111n.com/images/icons/icon26.gif
افتتاح المدونه الرائعه
قلم مميز يستحق الوقوف عليه
اعتبرني من زوارك والمتابعيين لركنك الفاخر
تهانينا لك
https://encrypted-tbn0.gstatic.com/images?q=tbn:and9gcqnpcsdjmtjdrpl5kkdhfxek0ghso6kr mpgpd6uklz8o9mtnvtx





الله يبارك فيك يالنجلاء ،،

نورتي وشرفتي بارك الله فيك ،،

لاخلا ولاعدم شكرا ً الف لحضورك .

[خالد العبيريد]

ياغاليٍ له من غلاي القياده
الشوق لك حاضر وطيفك رسوله
ترى مشاريه المحبين عاده
لاجات من لهفة ضميرك عجوله
تعال يامن يمتلكني وداده
غلاك نوٌّخ فالضماير ذلوله
ماعشت انا وياك طعم السعاده
حنا الشقى عشناه منذ الطفوله
خل الوصال يطول معك امتداده
لايشغلك جرح الغرام وعذوله
خالد العبيريد

[ملكة الرواسي]

صح لسانك ودام نبضك
متابعة بصمت
..
.

[ملكة الرواسي]

ماجابه الليل لكن جابه الطاري
ايه استمع للقصايد وانت معنى القصيد
ولاتنشد عن الظروف وتفضح أسراري
في حبك الاول وعهدك تراني عنيد
ماطعت شور الغياب وسمه الهاري
خذني على كيفك وخذني على ماتريد
دامك على عرش قلبي تعزف اوتاري
.
.
.
روووووعه صح لسانك

[خالد العبيريد]

الروعه وجودك يالملكه ،،
شكراً لك .

[خالد العبيريد]

هذى وقوف الي على الوقفه يطيح
في ماجرى .. روحي ولا تنشدينه
خليه مع درب .. السنين المراويح
جعل العوض في مابقى من سنينه
صح البدن ماعاد يحتاج تصحيح
لو شاحت ظروفه يعينه يقينه
مستبدله ديناه كثر المشاويح
ومنها عرف وشهي حياة الغبينه
والا انتي عذرك غير لو كان تلميح
يكفي عقب جور الزمن تذكرينه
صرنا من أسباب المحبه مجاريح
وصدورنا للحزن حصن ٍ حصينه
لو سابق الخاطر على وصلك الريح
قلت انتي اقرب من خوافي كنينه
قلبٍ تعلق في رجاء وصلك يصيح
وانا أدري ان الوصل ماتقدرينه
خليه في سد الوجيه المكاليح
عذرك معك .. والله لو تتركينه..!

[خالد العبيريد]

من البارحه والنود هذى مهبه
يهز وجدان الضمير وشراعه

احيا رماد الصدر وازداد شبه
وانا أنتظاري للفرج كل ساعه

ياقاطع ٍ عهد الغلا والمحبه
مالك ورى تعذيب روحي طماعه

ترى الجفا من غير عذر ٍ وسبه
مايعتبر فالحب رمز الشجاعه


أرحم عزيزٍ ذل من زود حبه
صارت حياته في حياتك وداعه

[خالد العبيريد]

نموت ماعشنا بذله وحقران
على المعزه والكرامه ربينا
•
مانرخي النظره ولا نرخص الشان
ولو شانت الدنيا ماتلوي يدينا
•
جمال للشدات في كل الاحيان
وجبال لرياح السنين إرتكينا
•
هامتنا عليا وهوماتنا اسمان
سباع نمراً فاللقى ماعلينا
•
نزود لازاد الزمن عسر وجنان
وفي مامضى من تجربتنا خذينا
•
الله خلقنا رماح وسيوف وسنان
وعن من حذفنا فالقفا مادرينا
•
#خالد_العبيريد
mskhr2014

[خالد العبيريد]

https://a.top4top.net/m_835wq4xp0.mov

[خالد العبيريد]

أقصى مدى الاوجاع جرح الشرايين
لو نعرف أن هذى الهوى مابدينا
نجامل الواقع والامال بعدين
ومن زود تجريح القلوب أكتفينا
لين أضحكت سود الليالي بوجهين
ومن ضحكها في حالنا كم بكينا
هاذي نهايات الهوى ياريش العين
ضاعت مجاديف الغلا وانتهينا
خالد العبيريد

[خالد العبيريد]

الليله البارق جنوب وخاطري دايم جنوب
والوضع من بين الرجاء والياس عيا يستوي
جعله على خشم رغبا والمردمه حمل النصوب
يالين هاك العد من غيث المخايل يرتوي
عدٍ وروده تدهله من كل حدب وكل صوب
في خايع ٍ قدام صلب ٍ في دكاكه منطوي
تروده الي عن هواها يافهد وشلون اتوب
الجادل الي فالمحبه تطوي ضلوعي طوي
عقب البطا والصد خطر ٍ دم شرياني يذوب
لو اتضاهر بالشجاعه والله ان ماني قوي
لا دقت الذكرى تعرضت النسايم والهبوب
لعل يبرد خاطر ٍ من جور فقده منكوي
خالد العبيريد

[خالد العبيريد]

يابو سعد صدري من البعد منلاع
وانت الرفيق الي خفاي انكشف له
انا بليت بحب مجمول الاطباع
ومن دون وصله روس قوم ٍ تقف له
حاولت اغير وجهة القلب ماطاع
مامون حبه فالحشا ويحلف له
لاومت به الاشواق مع كل ذعذاع
قامت ضلوعي بالهوى تنعطف له
حبه عمر فاقصى الشرايين ثم ماع
جعل الولي في ماقضاه يخلف له
جيت اتصبر لين منه الصبر ضاع
وعن واقعي للذكريات انصرف له
في حاضري قامت تضيق بي الاسناع
ليت الزمان الي مشابي وقف له
لو كان من دونه مشاريه ونزاع
قلبي مازال من الغرام يهتف له
عجزت اخفي مامضى بين الاضلاع
وعجزت عن ما فالضمير اعترف له
والله يافي خاطري ضيق وواجاع
واشياء كثيره صعب ما تنوصف له
خالد العبيريد

[خالد العبيريد]

ياملاك الروح جات ايامنا بالشده
ولا نقول الا عساها ازمة ً وتعدي
أعذريني يوم اوريك الجفا والصده
الله الشاهد على فرقاك ماهو ودي
دونك ضلوعي من فياض الغلا ممتده
وفي غرامك من قديم الوقت واصل حدي
من سلوم البدو قلبي صعب يفضح سده
لا جزى الله سلم ابوك وسلم ابوي وجدي


#خالد_العبيريد

[رحيل]

صح لسانك شاعرنا
مدونة جميلة ورائعة

[خالد العبيريد]

صح الله بدنك وكلك رحيل
حضورك زادها جمال واضاءه
جزيل الشكر لك

[خالد العبيريد]

ياحبيبي قول لي وش عاد باقي
من شقانا في محبتنا نتشقوى
محتزم لك بالوصال وبالتلاقي
مير فالي صار ياحيل الله اقوى
باذلين الجهد مانبغى الفراقي
وهقوة الايام تخلف من تهقوى
كل شي ٍ صار والله مايطاقي
والامل عقب الجفا في يوم لقوى
غير ننظر بعضنا مثل الطراقي
والقلوب من العذاب تزاد سقوى


#خالد_العبيريد
mskhr2014

[الجووهره]

الشاعر القدير خالد العبيريد

مدونه أكثر من رآئعه

جزاله وابداع بلا حدود

صح لسآنك مليوون ولا يكفوون

ودمت ودام ابداع قلمك

كنت هناااا

[خالد العبيريد]

صح الله بدنك وكلك
نورتي المدونه بأطلالتك
الجميله كل الشكر والتقدير لك ولمرورك

[خالد العبيريد]

منول مشاريهي على طاري الشوق
واليوم لا والله على كثر الاوجاع

بيت .

[هزاع محمدالعاصمي]

الف مبروك افتتاح المدونة
مررت من هنا ووجدت مايثلح الصدر مبدع في
كل حالاتك كما اسعدني المرور لاعدمناك والله يعطيك العافيه اجمل وارق تحية

[خالد العبيريد]

الف مبروك افتتاح المدونة
مررت من هنا ووجدت مايثلح الصدر مبدع في
كل حالاتك كما اسعدني المرور لاعدمناك والله يعطيك العافيه اجمل وارق تحية

لك ولمرورك هزاع العاصمي
كل التقدير وكل الحب 🌹

[خالد العبيريد]

طوّل غيابك والرجاء فيك ماضاع
والمنتظر ياجعل ربي يعينه
يزود حزني كل ماهب ذعذاع
حتى المدينه في غيابك حزينه
ذكرى ليال الوصل هي طب الاوجاع
والا على الباقي هوان وغبينه