المساعد الشخصي الرقمي

مشاهدة النسخة كاملة : بما تقتضيه المصلحه العامه الحارثي مطلوب ؟؟؟

غازي العتيبي
15-02-2009, 12:08 AM
سلام على الموجودين كلن بسمه
وعن اذنكم ودي بالحارثي بطاروق خفيف


الحارثي بيني وبينه معزه ساسها عز = معزت الصاحب لمنه توفق مع صحيبه
اليا دفنا الحفره اللي دفنا وسطها الكنز = انته تكب الكنز ولا توفق في مجيبه
عبدالمحسن الحارثي
15-02-2009, 12:22 AM
الله الله استلم استلم

غازي بدع له قاف ياصحابنا كز الحن كز=لا يحسب انه جاب ياصحابنا حاجه صعيبه
الله يديم السمن ياصاحبي وتمر والرز=ترى البلاجك تختلف بعضها ماهي مصيبه
غازي العتيبي
15-02-2009, 12:43 AM
ماهو صعب للي كماك انت فالصعبات تبرز = لاكن حذرا من شعيبن عوالك ليل ذيبه
والنعم ياللي تفرق الدستن اعن الفرت والبنز = صبت الهدف ياليت ماهوب عشوائي تصيبه
عبدالمحسن الحارثي
15-02-2009, 01:24 AM
ماعليش ياغازي شفتك طلعت احسبك منت معود لاكن عوافي
استلم استلم


سوق المطايا يا عميلي وقز الدروبها قز=واحذر عليها ياعميلي لا توخذ بلغصيبه
الحارثي لامن لقى عداه قام يلزهم لز=مار انتبه ياصاحبي لا تحاول تعتديبه
غازي العتيبي
15-02-2009, 01:37 AM
هههههههههههههه
استلم استلم
واعجل ورانا دوام

فاتت سلامات وعسا غصنكم ماعاد يهتز = وترا الامانه عند مامونها ماهي تعيبه
صليت حب البن دايم على النار وعلى القز = لاكن بعض الناس بفكارها دايم غريبه
عبدالمحسن الحارثي
15-02-2009, 01:55 AM
استلم استلم


وشفيك الضيعت ميرادها وزوزت ياوز=ياهيه مادويت طعنات في جنبوبك عطيبه
باتوبك ياصاحب لين حتى تبطل النقز= وان قلت لا قلتلك والله غصبى لتلتويبه
محمد الروقي
16-02-2009, 12:03 AM
بكل استغراب

هذه المحاوره طاروق تختل فيه القوافي والوزن

وشاعر يجاري الاختلال الا يحقلي استغرب اسمحولي في استغرابي

اخي غازي حاول ان تبسط الامور لربما نصل الى الاحسن بدل عسر القاف وتغيير المنهج في كل شوط

تقديري لكم جميع
غازي العتيبي
16-02-2009, 12:59 AM
هههههههههههههههه
اخوي محمد بيض الله وجهك ولاهنت
وانا حقيقه مافهمت وش تقصد
لاكن اخوي الحارثي بدون مجااامله عنده خلل فالابيات
والخلل بسيط ياحرف ناقص وانا متاكد انه خطاء مطبعي
لاكن البيتين الاخيره البيت الاول الشطر الاول خلله كبير ولايركب على اللحن
والبيت الثاني مثله يستوجب التعديل
والباقي فالمحاااوره مظبوط
ولاعدمناكم
وصح لسااانك يالحااارثي
وبيض الله وجهك يامحمد ووضح ملاحظتك
منور العوني
16-02-2009, 01:12 AM
بيض الله وجيهكم


والخطا اكيد انه مطبعي


واصلوا وعساكم على القوه
غازي العتيبي
16-02-2009, 01:28 AM
منور حياك الله ولاهنت
وصح ابدااانك
وانا قلت مثلك مطبعي ولافيه اقصور الحااارثي
والميل علاك لاكن مو الليله يجيبك الله في وقتن نفضي فيه
ويشد الله انه يوم السعد
وتحياااتي
منور العوني
16-02-2009, 01:38 AM
الله يبقيك ويسلك ياغازي


وانا اللي مستفيد من المحاوره مع شاعر شرواك

<<< يجهز العصابه قدام الفلقه :)
ود الغنامي
16-02-2009, 02:12 AM
بكل استغراب

هذه المحاوره طاروق تختل فيه القوافي والوزن

وشاعر يجاري الاختلال الا يحقلي استغرب اسمحولي في استغرابي

اخي غازي حاول ان تبسط الامور لربما نصل الى الاحسن بدل عسر القاف وتغيير المنهج في كل شوط


شاكر لك على الملاحظه من كل قلبي
تحياتي للجميع
غازي العتيبي
16-02-2009, 02:36 AM
ود حياااك الله ولاهنت
محمد القسامي
16-02-2009, 02:44 AM
نقلت من قبلي للنقد الأدبي
بعيدآ عن الجميع
المحاورة هنا أختلفت كثيرآ عن بدايتها
فأختلاف الوزن والقافيه سبب إختلاف للحن
فنحن هنا للتناصح والإستفاده
نتمنى أن تكون محاوراتنا مبسطة بالألحان والقافيه