المساعد الشخصي الرقمي

مشاهدة النسخة كاملة : من روائع .. عبدالله الظفيري


حور
10-02-2009, 11:26 PM
الـجــرح أرحـــم ... !


اللي بقى لـي مـع الأيـام .. وفّيتـه


والضيق لـو ينهمـر تشربْـه وديانـي


ماهي كبيـره علـي والحـزن غنيتـه


وْلاهـي غريبـه إذا وقتـي تحـدانـي


الخوف -يا من نبشت القلب وادميته-


لاعشت زهرة شبابك وانت وحدانـي!!


كم جرح خذْته من الأحباب.. ضمّيتـه


وجروح قلبـي زكـاة لْحُـبّّ خِلاّنـي


مطعون؟ عاااادي ،، جفا الأقراب؟ داويته


تعبان؟ مبطي ،، ردى هالحظ؟ خاوانـي


صدمه؟ بسيطه ،، هَوان الحال؟ مرّيتـه


مقرود؟ أدري ،، وإذا حرمان؟ عدّانـي


ما فاح هـمّ ٍ لـك الله مـا تقهويتـه


ما مـرّ حـزن ٍ بغيـري مـا تبلاّنـي!


ياما ويامـا مـن الخـذلان .. عديتـه


إلا بصاحبْ .. بعد عِشـره تناسانـي!!


أزريت لأنسـى غيابـه ليـن ناديتـه


والمـوت لامـن تجاهلنـي وجافـانـي


وينه يجينـي .. وكـل عْتـاب كنّيتـه


ياليت يدري بعد فرقـاه وش جانـي!!


من كنت طفل ٍ وانا أرجـاه فـي بيتـه


شيّبت.. واثره على هالحـال خلانـي!


حتى جنـاح العَتَـب لرضـاه ذليتـه


ماطِرْت بعده فـرح مـن ذلّ جنحانـي


يا قلب صبرك .. ترى كل شيّ سويتـه


ما كان أفضل من اللي كـان بإمكانـي


لو بيّ قـوه علـى الهجـران؟ خليتـه


لو بـيّ ذره مـن النكـران؟ يفدااانـي


الجرح أرحم .. إذا يرجع مـن أغليتـه


مجروح؟ فِدوه .. ولكن صعب وحداني!






يسألوني ليه أحبك ؟؟

http://www.shathaaya.com/poem/poemscript/sides/3.gif
نور عيني.. علميني كيف أبكتب لك شعـر؟


وانتي نظره من عيونك ضيّعت كل المعاني!


انتي كلماتك عذوبـه.. وابتساماتـك مطـر


وصوت ضحكك يحتويني وينثر الدنيا أغاني


أشهد إن العمر من بعدك ترى ماهـو عمـر


واشهد إني ماأطيق الغيبه من بعدك ثوانـي


من عرفتك لاحزن غطى عيونـي ولاكـدر


يابعد من شافته عيني وعن شوفـك خذانـي


جارت الدنيا علينا وحالت ظـروف الدهـر


لكن انتي ياأصيله دايم أكسب بـك رهانـي


واذكر إنك يوم رحتي صحت أنا صيحة قهر


ويعلم الله ماتركتـك ليـن ماربـي هدانـي


كل ليله تذكريني يضـوي ف(ليلـي) قمـر


وإن جفيتيني في ليله أظلمت حولي المبانـي


عند بابك ياغناتـي أنحـر أشواقـي نحـر


من عرفتك ياطموحي وانتي لي كل الأماني


"يسألوني ليه أحبـك حـب ماحبـه بشـر"


هذي الغنوه "لراشد" لك تعبّر عـن حنانـي


انتي ياعطر القصيد وطيش فكري والسهـر


والله ماغيرك أحد يستاهل أبياتـي وجنانـي


يابعد كل الخلايق واللي فـي بالـي خطـر


من دخلتي في حياتي مابقى لغيرك مكانـي


أقبلي يانور عينـي وتامريـن انتـي أمـر


يااللي ذكرك يهدي عمري والقصايد جو ثاني


مالي إلا أعتـرف بعيـون حسـادك وأقـر


إنك - أحلى مارأت عيني- وقابلت بزمانـي


قلت أبكتب لك قصيده وطاشت أبيات الشعر


ولا طرالي طاري اسمك ينعقد حتى لساني!!

عناوين الشموخ
11-02-2009, 01:48 AM
حور

صح اللسان قائل القصيده

ويعطيك العافيه على النقل المميز تسلمي

لاعدمنا مواضيعك وتواجدك احترامي لك

تقبلي مروري المتواضع

إبراهيم صبحي العضيله
11-02-2009, 06:21 AM
صـــــــــــــــح لسااااااااان الشاعر


الله يعطيك العافيه على النقل الجميل


تحياتي

حور
11-02-2009, 06:07 PM
عناوين الشموخ
ابراهيم العضيله

مرورو عاطر


حـــُور !

محمد القسامي
12-02-2009, 06:19 AM
حـور
تسلم يمينك والله
طرح قيم ورائع للشاعر الكبير عبدالله الضفيري
دمتي ولاهنتي ياحور على منقولاتك العذبه

عبدالمحسن الحارثي
12-02-2009, 11:23 AM
شاعر كبير او بمعنى اصح مدرسه
صح الله السانه
سلم لنا هذا الذوق
حور يعطيك الف عافيه
احترامي

حور
12-02-2009, 04:03 PM
الفاضلين ..........

محمد القسامي
عبد المحسن الحارثي

الله يسلمكم من كل شر
مرور اسعدني

وفعلآ عبدالله الظفيري رائع حبيت انزل قصايد صوتيه له لكن الى لقيته كلها فيها موسيقى ماقدرت انزله


حـــُور !

السيــ عمهوج ـف
13-02-2009, 11:04 AM
صح السان شاعرهاا


وسلمت يمينك على نقلك


ولاهنتي مشكورة

حور
14-02-2009, 09:45 PM
يسلمك ربي السيــ عمهوج ــف من كل شر
مشكور على تعطيرك الصفحة