المساعد الشخصي الرقمي

مشاهدة النسخة كاملة : يا زين يوم إني أنا وإنتـي صغـار؟؟؟؟؟؟؟؟؟؟؟؟؟؟؟


متعب العضياني
09-02-2009, 09:17 PM
يا زين يوم إني أنا وإنتـي صغـار=تو ما لبست شمـاغ وإنتـي عبايـه

بالطول ما ناصل ولا خمسة أشبـار=دايـم نقيـس أطوالنـا بالمـرايـه

مـا بيننـا شـيٍ نخبيـه وأسـرار=ما غير لعب أطفـال كـل الحكايـه

ما همنا موجـز ولا نشـرة أخبـار=التسليـه صـارت وسيلـه وغايـه

وإن جا فلم كرتون للقطـو والفـار=نجلـس نتابـع قصـتـه للنهـايـه

بالمدرسه نزعل على شان الأصفار=إنتي سبب لعبك وأنـا مـن غبايـه

ياما تهاوشنـا علـى كيسـة فشـار=أنحاش به وأفرح بطـردك ورايـه

وإن قلتي يا راشد يا ويلك من النار=أخـاف وأستسلـم وأبيـن خطايـه

وإلى ضربتينـي تقـل بيننـا ثـار=وإن قلت كافي قلتي ما هـو كفايـه

وإلى خلصتي ضرب بيمين ويسـار=أخذتـي الفشـار واللـي معـايـه

وإلى زعلت وقلت أبا أروح للـدار=صحتي وقلتـي آسفـه يـا غلايـه

وأصدقك وأفرح بعد ذيك الأعـذار=وأجيك لا حاقد ولا أحمـل وشايـه

بس لو أشوفك مع بشر غيري أغار=لو كان أخوي أو من أعز أصدقايـه

وأركض لأخوك أقول شفها مع كبار=عشان يفرض لي عليـك الوصايـه

هـذي طفولتنـا بـراءه وتـذكـار=دايـم نحـن إليـا ذكرنـا البدايـه

واليوم أبكتبهـا سواليـف وأشعـار=وأفكـر أنتجهـا بفلـم و روايــه

للشاعر / راشد بن جعيثن ..........

إبراهيم صبحي العضيله
09-02-2009, 10:08 PM
ياسلام

صح لساااااااااااان الشاعر

يعطيك العافيه على النقل المميز

تقبل تحياتي

غازي العتيبي
10-02-2009, 12:48 AM
يعطيك العاااافيه على النقل
وصح السااان الشاااااعر
ملاحظه
الموظوع مكانه ليس هنا في صفحة المحاااوره
على الاداره نقل الموظوع للصفحة القصاايد المنقوله
ويعطيكم العاافيه

غربة الايام
10-02-2009, 12:58 AM
الله الله
صح لسان الشاعر
اخي كل الشكر على روعة ذائقتك
اختيار رائع يسطر بماء الذهب

السيــ عمهوج ـف
13-02-2009, 11:02 AM
صح للسانك والسان شاعرهاا


وسلمت يمينك على نقلك


ولاهنت

محمد الروقي
13-02-2009, 12:06 PM
غريبه ابن جعيثن

يقول يازين ويترك كلمة يابنت

صح لسااااااااااانه ولسااااااانك على النقل الطيب

عناوين الشموخ
13-02-2009, 01:13 PM
متعب العضياني

صح السان قائل القصيده روووعه

حكايات اطفال افلام كرتون وفشار ياسلام

ويعطيك العافيه اخوي نايف على النقل الرائع

من جد رجعتنا زمان اول تسلم

لاعدمنا جديدك احترامي لك

تقبل مروري

متعب العضياني
20-02-2009, 02:40 AM
لاهنتم على الردود
بالنسبه لعناوين الشموخ من نايف ؟؟؟
على العموم يعطيكم العافيه .....

صاحبة السمو
23-02-2009, 08:09 PM
يعطيك العافية

هـذي طفولتنـا بـراءه وتذكـار
دايـم نحـن إليـا ذكرنـا البدايـه


رجعتني لأجمل أيام عمري

متعب العضياني
27-02-2009, 02:47 AM
يعطيك العافية

هـذي طفولتنـا بـراءه وتذكـار
دايـم نحـن إليـا ذكرنـا البدايـه


رجعتني لأجمل أيام عمري

الله يعافيكي
ان شاء الله كل ايام عمرك جميله
ولاهنتي على المرور

نوف
27-02-2009, 05:24 PM
يعطيك العافيه وسلمت يمينك لا هنت

محمد القسامي
01-03-2009, 09:05 PM
متعب العضياني
للذائقة بروعتها دور في نقل كل رائع
منقول جميل للشاعر راشد الجعيثن
صح لسانه وسلمت يمينك يامتعب

متعب العضياني
03-03-2009, 05:14 PM
يعطيك العافيه وسلمت يمينك لا هنت

الله يعافيك ولاهنت على المرور الرائع

متعب العضياني
03-03-2009, 05:16 PM
متعب العضياني
للذائقة بروعتها دور في نقل كل رائع
منقول جميل للشاعر راشد الجعيثن
صح لسانه وسلمت يمينك يامتعب

مشكور على الاطراء
والله يسلمك
يعطيك العافيه على المرور الرائع

خالد ابن هجيره
25-03-2009, 07:59 AM
صح لسان قايلها وتسلم يدين ناقلها
تحياتي لك
خيك
خالد ابن هجيره