المساعد الشخصي الرقمي

مشاهدة النسخة كاملة : الغمازتين بوجنتيه


محمد القسامي
09-02-2009, 02:46 AM
اللـى عليـه الغنـج ...طبّـق راحتيـه
والغنـج خصلـة .. تحتـوي خصايلـه
دايم مفضّح بي .. وأنا ما قـول ليـه ؟
فضيحتـه .. ستـر الهمـوم الجايـلـه
صغير .. ومدلّع .. ومزيـون .. ونبيـه
أخـذت لـي عاميـن .. وآنـا آحايلـه
جيته .. رجل عاقل .. معه خافق .. سفيه
مـا لـوّثـه .. دم الحـيـاة الزايـلـه
أنـا فـدا الغمّازتـيـن .. بـوجنتـيـه
وا ذبـح قلبـي .. وا كـبـر غلايـلـه
والموت .. لا سولف وعضّض .. شفّتيه
أيقنت بـحظـوظ .. العبـاد .. المايلـه
هذا وهو .. ملقـوف .. وعنـاده كريـه
ليـا ركـب راسـه .. وقـام يشايـلـه
ليا زعل .. حتى إتصالـي .. مـا يبيـه
وليا رضى .. يزعل علـى .. موبايلـه
وإن شافني زعلان .. والخـوف يحديـه
تشبّـع الـجـوال .. مــن رسايـلـه
بزرِِ .. قسم وجه الدلع .. عشرة وجيـه
وتـعـددت عـلـى الـدلـع فضايـلـه
مدلّعـه .. جـدّه .. بـرغبـة والـديـه
تدليـع جــد .. وتختـلـف وسايـلـه
وأنا الضحية .. والبزر .. مالـه شبيـه
عنده لـرفـع الضغـط .. قـدرة هايلـه
لا شافنـي مقبـل .. يسلهـم ناظـريـه
سلهـام خبـث .. ونيّـتـه متحايـلـه
لأنه يعرف إني .. بـسلهامـه .. أتيـه
توهـة دليـل .. وتـاه عـن دلايـلـه
وإن قلت له بـشويش .. شبّ الله عليه
قـام يتكسّـر .. وأسبـلـت جدايـلـه
وسمعته يتمتم .. ويشّر لـي .. بإيديـه
والله لا أطلّـع لـك ..نجـوم القايـلـه
دلوع مـا همّـه .. وانـا مجبـور فيـه
ومسامحـه .. مهمـا تكـن .. عمايلـه
دامه يعرف إني .. على أية حـال أبيـه
وشلـون ألومـه .. وأتّـقـي حبايـلـه
حفيت سباريـت القـدم .. منـه وإليـه
مـا غيـر أقابـل بيتهـم .. وآآخايلـه
وانا عشـان أجيـه .. لاحبّيـت أجيـه
صاحبـت منشانـه .. جميـع العايـلـة

محمد الروقي
09-02-2009, 07:14 AM
هذا

الي قالو فيه لا تزيده دلع يزيدك ولع

سلمت يامحمد وسلم الاختيار الراقي

عناوين الشموخ
09-02-2009, 08:35 AM
محمد القسامي

صح لسان شاعرها ويعطيك العافيه

على النقل الرائع لاعدمنا جديدك

تقبل مروري واعجابي بما نقلت

إبراهيم صبحي العضيله
09-02-2009, 08:33 PM
صـــــــــــــــح لساااااااااااااان الشاعر

يعطيك العافيه على النقل الجميل


تحياتي

السيــ عمهوج ـف
13-02-2009, 11:02 AM
صح للسانك والسان شاعرهاا


وسلمت يمينك على نقلك


ولاهنت

ود الغنامي
19-02-2009, 02:04 AM
سلمت يمناك
اخوى محمد القسامي
تقبل مرورى
اخوك
ود الغنامي

سلطان المحقني
03-03-2009, 08:58 PM
الله لا يهينك اخوي محمد

وسلمت يمينك

الله يعطيك العافية

الأصيلة بنت أبوها
04-03-2009, 12:03 PM
الله سلمت يامحمد القسامى على هالنقل الراائع
وصح لساان قايلها وناقلها

~ روؤوح الـ س’ ـــديم ~
04-03-2009, 07:26 PM
(محمد القسامي)


صح الله لسان شاعر هالقصيدة الجزلة << اسكتي


وعافاك ربي ,,,



دمتـ

خالد ابن هجيره
25-03-2009, 07:55 AM
صح لسان قايلها وتسلم يدين ناقلها
الجسامي بيض الله وجهك
خيك
خالد ابن هجيره