المساعد الشخصي الرقمي

مشاهدة النسخة كاملة : ...,, لو يدري العالم عن الي جرالي ,,...


نايف العصيمي
30-01-2009, 05:04 PM
بســــــ الله الرحمن الرحيم ــــــــــــــــــــــــــــــــــــــم




يامال فرقاء العين وش عاد تالـــــــــي = صاح الثعل ياقوم والذيب ماشيـــــف
قامت تحدحدنا ظروف الليالــــــــــــي = وقمنا نطاوعها على الغش والزيــــف
نمشي وراهاا غصب ياهم لالــــــــــي = من يوم ماعيت تجينا على الكيـــــــف
احد ٍ تسوقه للقمم والعوالـــــــــــــــي = واحد ٍ تحده للسيوف المراهيـــــــف
وان شافت الرجال داله وسالــــــــــي = طلق ٍ حجاجه يطرب لجيت الضيــف
مزين البرااد جنب الدلالـــــــــــــــــي = وجلست نشاما ماتعرف الملاقيـــــف
قامت تحوفه حوف راع الحلالــــــــي = الي يحوف الذود في لاهب الصيـــف
تركي عليه الميسم ولا تبالــــــــــــــي = وترميه من عالي سفوح المشاريـــف
يالله دخيلك يالكريم الجلالــــــــــــــي = يالله دخيلك من شرور الصواديــــف
دنياي شانت والبلاا لا يزالـــــــــــــي = بين الضلوع العوج شبعان ومريـــف
من كثر همي ياعرب بري حالـــــــــي = امسيت انا وهموم قلبي مواليــــــــف
تطري عليه كل ماازاان باالــــــــــــي = واطري عليهاا كل ماسلت السيــــف
تطعن بقلبي لين تنثر حبالـــــــــــــــي = وترتااح لا شافت دموعي مراديــــف
اانا الهموم الكايدهـ راس مالـــــــــــي = يوم الفرح ياقـوم ماشفت له طيـــــف
لو يدري العالم عن الي جرالــــــــــي = محد ٍ شكى همه وهل السواليـــــــف
يامال فرقاء العين وش عاد تالي = عقب البراد امسيت وسط العواصيف
يالله يارحمن ياخير والـــــــــــــــــي = تفرج همومي وانت معك التصاريــف
وختامها مالاح برق الخيالـــــــــــــي = صلو على محمد رفيع التواصيــــــف

متعب العضياني
30-01-2009, 06:35 PM
ذيب الهيلا
صح السانك على القصيده

عناوين الشموخ
30-01-2009, 06:53 PM
ذيب الهيلا

صح لسانك اخوي قصيده رائعه

لاعدمنا قصائدك المتميزه

تقبل مروري

إبراهيم صبحي العضيله
30-01-2009, 07:03 PM
صــــــــــــــــح لسااااااااااااانك على هذه الرائعه

الله يعطيك العافيه

تحياتي

محمد القسامي
31-01-2009, 01:50 AM
نايف العصيمي
أشهد إنك نايف الشعر
وافيه وكايفه ولالها حلي
صح كلك وصح كينونك عن صواديف الأيام
ودام هالبوح بكل خير وموده

محمد الايداء المورقي
31-01-2009, 01:58 AM
نايف

صح لسانك


ابداع بلا حدووود



عزالله انها صلفقتنا كلنا الدنيا


مير ما يجرايها غير قوي الشكيمه


مثلك


تحيتي

سيف الجهيم
31-01-2009, 02:03 AM
ذيب الهيلا نايف العصيمي صح لسااانك مدد ودمت شااامخ مدد




مرور متواضع أتمنى قبوله

سامي الرقيب
01-02-2009, 05:09 AM
نايف العصيمي
صح لسانك ولا هنت يالذيب
قصيده جزله ورائعه
من شاعر جزل
تقبل مروري وتحياتي
ودمت بود

محمد الروقي
02-02-2009, 02:42 PM
صح لسااانك لين ترضا

ونت لا ترضا خلني ارددها لين اخليك تطفش من ترديد صح لسانك

تقبل مروري يالجزل

السيــ عمهوج ـف
09-03-2009, 05:30 PM
صح للسان وعتلا شأنك

كفيت ووفيت

قصيدة كايفه وجزله

من رأس جزل وشامخ

سلم طرحك وسلم بوحك ودام تواجدك