عبدالله بن طلال
20-08-2011, 02:03 AM
اقدم لكم محاورتي المباشره
مع اخي الشاعر/ عبدالاله بن شلواح العتيبي
ارجو ان تحوز على رضاكم
انا
سلام يا أهل المنتدى واللي يبا يلعب ، يقوم = بنت الهلالـي صفّقـت بيدينهـا لعيالهـا
هذا وانا حاظر وقسمي من كبيرات القسوم = لا جازت السلعه دفعت جنيههـا و ريالهـا
عبدالاله
يامرحبا بك والسماء سقف السحابه والنجوم = والارض مفروشه وخلق الله بحسب اعمالها
انا ادري انّك من يغلّق فالدعاوي واللـزوم = يدري عن الحيلـه ويكشفهـا ولا يحتالهـا
انا
دام البقا والطير لو شفناه من حولك يحوم = ماهو كفو ينزل وياخذ غترتك واعقالها
حنا نهدّ الحرّ الاشقر ما نهدّ افروخ بوم = البوم فرخ البوم كلٍ عارفن منزالها
عبدالاله
ياللي تدرجها على حسب المذاهب والسلوم = مال الحمول وميلة الايام غير إجمالها
تبا تشيب من العجايب يالعتيبي والهموم = ان جاتك ايام الليال البيض عكس إليالها
انا
السيل لامنه تحدّر من رفيعات الرجوم = مافيه قشعه في طريق السيل مايشتالها
اشوف لي برقن برق بين الحويّه والجموم = عساه يشتالك مع الوادي مابين جبالها
عبدالاله
ما عاد معك الا الدعاء والله غفار(ن) رحوم = والا جبال الارض فوق الارض هذا حالهـا
فقران مايشري ذهب لو تستره بيض الهدوم = الا بعد تنفق زكاة اهل الذهب مـن مالهـا
انا
لاوالله اللي قرّبت تاصل ليا روس الخشوم = ما دام راعية الذهب باعت طقم خلخالها
لقيتها تمشي مع العالم بصالات القدوم = حسبي على اللي ياطويل العمر فكّ إحبالها
عبدالاله
ان جات والا روحت مال الغفال الا الوسوم = يا ما نصحتك وانت مهملها ومعك اعقالها
زال السفر متعه وطايرته على ظهرالغيوم = ان وقعت فالارض (حلتهـا بعد ترحالهـا)
انا
الرحله اللي ماعليها غير مجموعة رخوم = نشوم عنها ، جعل فال الله ماهو فالها
وصلك علمي وانت بن شلواح تفهم بالعلوم = وبعض العلوم اكبار صعب اقفايها واقبالها
وسلامتكم
مع اخي الشاعر/ عبدالاله بن شلواح العتيبي
ارجو ان تحوز على رضاكم
انا
سلام يا أهل المنتدى واللي يبا يلعب ، يقوم = بنت الهلالـي صفّقـت بيدينهـا لعيالهـا
هذا وانا حاظر وقسمي من كبيرات القسوم = لا جازت السلعه دفعت جنيههـا و ريالهـا
عبدالاله
يامرحبا بك والسماء سقف السحابه والنجوم = والارض مفروشه وخلق الله بحسب اعمالها
انا ادري انّك من يغلّق فالدعاوي واللـزوم = يدري عن الحيلـه ويكشفهـا ولا يحتالهـا
انا
دام البقا والطير لو شفناه من حولك يحوم = ماهو كفو ينزل وياخذ غترتك واعقالها
حنا نهدّ الحرّ الاشقر ما نهدّ افروخ بوم = البوم فرخ البوم كلٍ عارفن منزالها
عبدالاله
ياللي تدرجها على حسب المذاهب والسلوم = مال الحمول وميلة الايام غير إجمالها
تبا تشيب من العجايب يالعتيبي والهموم = ان جاتك ايام الليال البيض عكس إليالها
انا
السيل لامنه تحدّر من رفيعات الرجوم = مافيه قشعه في طريق السيل مايشتالها
اشوف لي برقن برق بين الحويّه والجموم = عساه يشتالك مع الوادي مابين جبالها
عبدالاله
ما عاد معك الا الدعاء والله غفار(ن) رحوم = والا جبال الارض فوق الارض هذا حالهـا
فقران مايشري ذهب لو تستره بيض الهدوم = الا بعد تنفق زكاة اهل الذهب مـن مالهـا
انا
لاوالله اللي قرّبت تاصل ليا روس الخشوم = ما دام راعية الذهب باعت طقم خلخالها
لقيتها تمشي مع العالم بصالات القدوم = حسبي على اللي ياطويل العمر فكّ إحبالها
عبدالاله
ان جات والا روحت مال الغفال الا الوسوم = يا ما نصحتك وانت مهملها ومعك اعقالها
زال السفر متعه وطايرته على ظهرالغيوم = ان وقعت فالارض (حلتهـا بعد ترحالهـا)
انا
الرحله اللي ماعليها غير مجموعة رخوم = نشوم عنها ، جعل فال الله ماهو فالها
وصلك علمي وانت بن شلواح تفهم بالعلوم = وبعض العلوم اكبار صعب اقفايها واقبالها
وسلامتكم