سلام رديةٍ تبدي رواسي نجد وتعود [الأرشيف]

سامي الرقيب

22-12-2008, 08:56 PM

سلام رديةٍ تبدي ويمي وتعود = اتعود والطيب ماشي من وراها
في حلة اهل الكرم والطيب قومٍ تجود = تقلط وكلن مناته مشتراها

محمد الروقي

22-12-2008, 09:15 PM

مرحبا ياسامي

والله مالي بالمحاورات بس قلت ابي اتعلم معك

يامرحبا والبقا سمنن تقفاه عود =باالابه الي يذرينا ذراها
حييت ياسامي الدعوا سهود ومهود=الدار دارك ورجلك في ثراها

سامي الرقيب

22-12-2008, 10:02 PM

دام البقى يا رفيقي والليالي تجود = والناس تمشي ولا تنظر وراها
والناقه الي غدة من ذود وامسة بذود = وش حيلة الي مع الذود احتراها

حياك الله يالذيب
وانت كفو واستاذ
مار اسمح لي اغير الطرق الطرق الاول يبى ينشف ارياقنا ههههههه
وانا قدني ينشف ريقي لين تفتح الصفحه هههههه

محمد الروقي

22-12-2008, 10:23 PM

انا غيرته من اول ههههههه

هذاك يباله خط طويل هههههههه

انته ونا ياعميلي في ديار السعود= ورسالة(ن) جات ماغيري قراها
انكان ناقتك غفل ولا عليها شهود=وشلك بغفل(ن) هوى الغربي براها

سامي الرقيب

22-12-2008, 10:39 PM

الله يعز الخيام الي سندها عمود = وديارنا عزها دوم اومراها
والناقه الي غدة يا كم رضعها قعود = لكن ماني بجالس في حراها

هههههه

سكر نبات

22-12-2008, 11:11 PM

ماشالله

صحة السنتكم

ويعطيكم العافية كلكم

انا معاك يابن البادية

تقديري

[[ حورية رواسي ]]

محمد الروقي

22-12-2008, 11:12 PM

الله يعز الذيابه ماتهاب الفهود=وهل القرا ياعميلي في قراها
وناقتك معاد والله تلزم بالقيود= شدو من اطبوعها كل اقصراها

مجنونه الناقه هذي
هههههههههههههههه

محمد الروقي

22-12-2008, 11:14 PM

ياويلك ياسامي حوريه معي

امسكي الصف يادكتوره خلينا نهجده بس النت عندي بطي مرررررره

وعصبي المجموعه ضده تراه ماهو هين يرهي عليه الرجلي ويعجز عنه الخيال

سامي الرقيب

22-12-2008, 11:33 PM

الله يعز الذيابه لا تعود قرود = وانضيع السالفه والي افتراها
الناقه الي غدة ماهي بورث الجدود = لقيتها تايهه عند اقطراها

محمد الروقي

23-12-2008, 12:35 AM

مانيب يا رجل في ماقلت رجل(ن)جحود=وقرودنا جعلها تلزم كراها
مادام ماهي بورثك ليش ترقا سنود=ماكل قمراُ تنجد من سراها

محمد القسامي

23-12-2008, 01:13 AM

صحت ألسنتكم شعارنا
واصلو
واصلو
وأنا تراني في صف سامي
تكفا ياسامي أهجده لين ينشف ريقه

سامي الرقيب

23-12-2008, 02:49 AM

صحيح ماهي بورثي بس ذيك العضود = ترتاح نفسي لها دون اخشراها
اشفق على الطيبه لو كان ماهي ولود = وامشي مع الارض واقيس شعراها

ههههههههه
والنهايه عندك يا استاذ وصح لسانك مقدماً

محمد الروقي

23-12-2008, 03:49 PM

يهيب ياسامي انت وناقتلك شرود=بالحمل ترغي وكله من زراها
عرجا حرون(ن) هلامه والمصيبه هبود=حشو(ن) تلتها وقعدان اسبراها

محمد الروقي

23-12-2008, 03:53 PM

لك الشكر ياسامي على تعليمي المحاورة
وبيض الله وجهك وتكفا الناقه الي مثل هاذي

لا عاد تقربني جننتني هههههههههههه دمت بود

محمد الروقي

23-12-2008, 03:54 PM

محمد القسامي

والله ان صحبنك مالها خاتمه

على طول مع سامي ضدي ايع عايش في شارع الستين

ومن عاشر قوم ههههه مرورك اسعدناااااا

محمد القسامي

23-12-2008, 03:58 PM

محمد القسامي

والله ان صحبنك مالها خاتمه

على طول مع سامي ضدي ايع عايش في شارع الستين

ومن عاشر قوم ههههه مرورك اسعدناااااا

ههههههههه والله يابو حميد مثلك فخر رفقته
لكن ياخوي انا في صف سامي في صفه
وشارع الستين لاعاد تقربه شفني أزكن عليك
بيض الله وجيهكم على هالطاروق
وصحت ألسنتكم أمتعتونا بالمحاوره الراقيه والمعنى الجزل
دمتو ودام وجودكم بكل خير ومعزه

إبراهيم صبحي العضيله

23-12-2008, 04:49 PM

السلام عليكم ورحمة الله وبركاته

صــــــــــــــح السنتكم على المحاوره الرائعه

يعطيكم العافيه شعراء اساتذه

لكم كل التقدير والاحترام

تحياتي

سامي الرقيب

25-12-2008, 01:03 AM

استاذي محمد صح لسانك يالذيب ولا هنت
وصح بدن كل الاخوان الي شرفونا بمرورهم
اما عن الناقيه نبى نشوف وضعها وقت ثاني
ههههههههه
وبعدين ياخوك الي في صفي لا تقربهم
لن كان تبى الناقه تبعد عنك ههههههههههههه
لكم التيحه شرفني وجودي بينكم جميعاً
دمتوا بود

سعد الحريجي

08-01-2009, 11:07 PM

سامي الرقيب ومحمد الروقي صحت السنكم

وتستحقون المتابعه جزاله ومعنى يعطي المتلقي طابع خاص

لاهنتوا 000000 تقبلوا مروري

نبره حزينه

28-01-2009, 10:10 AM

صح لسانكم لاهنتوووووو

امتعتونا

عساكم ع القوووة بيض الله وجيهكم

تحياتي

نبره حزينه