الف باب

[ابو خالد]

السلام عليكم ورحمة اللة وبركاته
الله يمسيكم بالخير جميعا
هذه أول مشاركه لي في شبكتكم الرائعة والسموحة تراني عليمي في الجهاز... يعني يمكن أجيب الكم العيد في اي لحظة. لكن اصبروا علي لين اتعلم على استخدام الجهاز.

سلام ردية تقفل باب وتفك ألف باب= والله عليـــم بســر بيــبان الفـــرج وقفـــولها

الليل يا شعار والرحلة ذهاب بلا إياب= اصحوا لها يا أهل العقول المدركات اصحوا لها

[محمد الغنامي]

وعليكم السلام ورحمة الله وبركاته الله يحييك يابو خالد ويكفينا شرك


يامرحبا بالشاعر اللي كم حسبنا له حساب=ترحيبت(ن) من خاطرن مسرور يوم أقولها

الرحله اللي معك خطره لايجي فيها أنقلاب=والله عليم بخافي قلوب البشر وعقولها

[محمد الـفراج]

الله الله

ابوخالد الله يحيك منور رواسي الليله

صح لسانك ولسان محمد الغنامي

[محمد الغنامي]

الفراج

صح بنك ولاهنت نشكرك على تواجدك

تحياتي لسموك الكريم

[ابو خالد]

الله الله
إليا وقفنا نحتزم بالسيف منقوش النصاب = ما همنا لا صاحي العالم ولا مبدولها
كريم يابرق(ن) نشوفه في مقاديم السحاب = عسى مراهيشه على البيدا تهل ثعولها

[ابو خالد]

صح بدنك يالفراج ولا هنت

[محمد الغنامي]

أنته تخيل البرق مير البرق في سد الهضاب=يابعدها ياصاحبي وين انت منت بحولها

السيف رده في جفيره مايجيب الا العذاب=بعض السيوف تشال لاكن ماتعد فعولها

[محمد الروقي]

اب اب ههههههههه

ايه يبو خالد اهطله تراني في صفك
صحة السنتكم جميع وعذروني على التاخير

وبشرو بالشات الصوتي قريب خلوني اتفرغ بس

[محمد الغنامي]

محمد الروقي

حسبي الله على بليس كل ماجاء شاعر مصيبه نقزت انا في نحره وهطلني ههههههههه

ولا تشجعوني معها هين اوريكم كلكم

شكرا لمرورك ومن حضر ماغاب

تحياتي لك

[ابو خالد]

الله يكافـينا مـن الفتنة وشـعار الشباب = لا طــول المشــوار تخـلــط سمنها مـــع فولــها
إن كان قلبك ياولد غنام صامل ما يهاب = إعرف قياس الأرض وإحسب عرضها مع طولها

[ابو خالد]

صحت أبدان الجميع
وتراني في وجيهكم من الغنامي يبا يشويني على نار هاديه

[محمد الغنامي]

تراء الحمى ممنوع فيها الصيد هو والاحتطاب=اعلمك قدم الاوادم لاتضيق جولها

انا اعرفك شايب وعاقل مير هرجك سم داب=الارض خل قياسها والحرب تعرف دولها

[محمد الغنامي]

ابو خالد

ايه هين الله يعين منهي في ناره ههههههههههه

صح لسانك

[ابو خالد]

والله لأحـطك يا محمـد بيـن ضرس وبيـن ناب = لين إنـي أريحـك مـــن جور الليـال وهولها
واطردك من موقع رواسي مثل طراد السراب = وأفتك لي ناس(ن) من النعمة كبار حثولها

[مستر كوكي]

صح السنتكم كلكم تكفى يابو خالد احشرلي محمد الغنامي حشر بزاويه تسعين جاك يامحمد الي يحشرك حشر

[ابو خالد]

صح بدنك يامستر كوكي
والغنامي استاد شعر الله يعينا عليه

[محمد الغنامي]

من يوم شفتك جيتنا غزاي وتحث الركاب=وام الكباير عرضت صلف الهواء مجدولها

ماني بلقمه هينه قدمك يسيل الها اللعاب=احسب حسابك تختلف هقوتك قبل تنولها

[محمد الغنامي]

مستر كوكي

صح بدنك
وهين والله لدافع لين افتك نفسي ههههههههه

أوريكم ياهل رواسي كلكم علي يالنذلين

[ابو خالد]

لعبك يكفيني ما عاد أبغا طعـام ولا شـــراب = الحضـر ترقب سوقها والبـــدو تدفع شولها
مشية حمام الورق قبل سنين قلدها الغراب = واليوم اشوف رجوله الثنتين طول رجولها

[محمد الغنامي]

ههههههههههههههههههههههه

صح لسانك

[ابو خالد]

صح بدنك يا محمد

[همس الليل]

ابو خالد

محمد الغنامى

صح لسانكم

ويعطيكم العافيه

[ابو خالد]

همس الليل
شكرا على الإطراء

[محمد الغنامي]

خلك وراء ذودك يابو خالد لعلك بالذهاب=وأقرب من الدلال لاصعبت علاك حلولها

العام راسك منصلع واليوم اشوف الراس شاب=سود الليالي دوم تسحب للعرب شملولها

[محمد الغنامي]

همس الليل

صح بدنك

ولاخلا ولاعدم من تواجدك

خليك في صفي كلهم تركوني هههههه

[نبض الوفاء]

محمد الغناامي.. ابوخالد
صح لسنتكم وقلوبكم وعلى شانكم والله انكم جزلين
بس والله اني خايفة يجي حذف فناجيل الحين
هههههه الله يستر
محمد انا بصفك وانا اختك واصل

[محمد الغنامي]

نبض الوفاء

صح بدنك ولاهنتي

لاخلا ولا عدم من تواجدك بصفي

امسكي الصف زين هههههه

[ابو خالد]

أنا أدري إنك تشتعل فالمرجـلة معك إلتهاب = دايم وعشاق المراجل كن زولك زولها
يمكني أعملي معك تال الزمن وضع إرتكاب = جريمة(ن) ينحط فاعلها على مفعولها

[نبض الوفاء]

ولا يهمك يالغنامي
ولا يهون اخوي ابو خالد
ماسكة الصف زين الزين
انتظر الردية

[محمد الغنامي]

هههههههههههههههههههه والله اني داري انك ما ابطيت غير بتسوي جريمه


صح لسانك





الله يكافينا المصايب والجرايم والدواب=الصيف ولع والعقارب ركزن زيولها

لاتعترض رمح الزناتي مامعك شفاء ذياب=كب الهروج الكايده وأهرج لنا معقولها

[محمد الغنامي]

نبض الوفاء

لاهنتي انا اشوف الصف منور

[نبض الوفاء]

كفووو يالغناامي والله انك جزل
هههههههههههاااي

استلم يابو خالد

[ابو خالد]

بيض الله وجهك يالغنامي وعز الله انك شاعر كفو .......
والسموحة كان حصل تقصير والليل سرى علي وأنا سهران ,,,,,
ولنا لقاء قريب أن شاء الله .؛
وتصبحون على خيــــــــر لكل المتواجدين ؛ ؛ ؛ ؛ ؛ ؛ ؛ ؛ ؛ ؛

[سامي الغنامي]

أبك أبك ..

حرآم ثم حرآم أنكم دوآهي شعر الله لايضركم

وانا في صف أبو خالد ولا يهون ابو بندر { خيآآنه


صحت ألألسسن .. ولاهنتوآ وبيض الله وجيهكم

[محمد الغنامي]

ابو خالد

صح لسان وعلا شانك

ولي الشرف بمجاراتك الليله واللعب معك


الوعد في مقبلات الليالي

تصبح على خير ولاتشوف شر

[محمد الغنامي]

السفير

من لقاء احبابه نسى اصحابه هين هههههههههه

صح بدنك

وابو خالد هو اللي علمني لعب المحاور وهو الاتساذ فيها

لاخلا ولاعدم من تواجدك يالسفير

تحياتي لك طال عمر ك

[نبض الوفاء]

ابو خالد .. محمد الغنامي
بيض الله وجيهكم ووالله انكم جزلين وتستاهلوون الف شكر
مجاراة جميلة جدا الحمد لله انها نتهت بدون حذف فناجيل
تصبح ع خير يابو خالد
تحياتي لكم ولماتقدمون

[همس الليل]

الغنامى

يقولك قديمك نديمك لو الجديد اغناك

وابو خالد جديد علينا وانت قديمنا ونعرفك قبل ابو خالد يعنى انا بصفك اليوم

وبكرا بصف ابو خالد هههههههههههه

واصلو واحنا معاكم

[محمد الغنامي]

نبض الوفاء

صح بدنك ياريست صفي

لاهنتي على التواجد والمتابعه الجميله

تحياتي لك

[محمد الغنامي]

همس الليل

الف شكر لك على تواجدك ولافي مشكله صفي ولا صف ابو خالد

اليوم كلنا اخوان هنا

تحياتي لك يامديرتنا الغاليه على التواجد والمتابعه الرائعه

دمتي بخير

[ابو خالد]

السفير
نبض الوفاء
همس الليل
تشرفت بمروركم الجميل والرائع
ولا هنتوا جميعا

[مهرة يام]

صح السنتكم يالشعار
محاوره جميله وجزله
راقت لي كثير
يعطيكم العافيه
تحياتي لكم

[حمد اليامي]

صحت السنتكم
يعطيكم العافيه
تحياتي لكم

[الغلا دمي]

ابوخالد
سلام ردية تقفل باب وتفك ألف باب= والله عليـــم بســر بيــبان الفـــرج وقفـــولها

الليل يا شعار والرحلة ذهاب بلا إياب= اصحوا لها يا أهل العقول المدركات اصحوا لها

محمدالغنامي
يامرحبا بالشاعر اللي كم حسبنا له حساب ترحيبت(ن) من خاطـرن مسـرور يـوم أقولهـا
الرحله اللي معك خطره لايجي فيها أنقـلاب والله عليـم بخافـي قـلـوب البـشـر وعقولـهـا

ابوخالد
إليا وقفنا نحتزم بالسيف منقوش النصاب = ما همنا لا صاحي العالم ولا مبدولها

كريم يابرق(ن) نشوفه في مقاديم السحاب = عسى مراهيشه على البيدا تهل ثعولها


محمدالغنامي
أنته تخيل البرق مير البرق في سد الهضاب يابعدهـا ياصاحبـي ويـن انـت منـت بحولـهـا
السيف رده في جفيـره مايجيـب الا العـذاب بعـض السيـوف تشـال لاكـن ماتعـد فعولهـا

ابوخالد
الله يكافـينا مـن الفتنة وشـعار الشباب = لا طــول المشــوار تخـلــط سمنها مـــع فولــها

إن كان قلبك ياولد غنام صامل ما يهاب = إعرف قياس الأرض وإحسب عرضها مع طولها

محمدالغنامي
تراء الحمى ممنوع فيها الصيد هو والاحتطاب اعـلـمــك قــــدم الاوادم لاتـضـيــق جـولــهــا
انا اعرفك شايب وعاقل مير هرجك سم داب الارض خـل قياسـهـا والـحـرب تـعـرف دولـهـا


ابوخالد
والله لأحـطك يا محمـد بيـن ضرس وبيـن ناب = لين إنـي أريحـك مـــن جور الليـال وهولها

واطردك من موقع رواسي مثل طراد السراب = وأفتك لي ناس(ن) من النعمة كبار حثولها


محمدالغنامي
من يوم شفتك جيتنا غزاي وتحـث الركـاب وام الكبايـر عرضـت صلـف الهـواء مجدولهـا
ماني بلقمه هينه قدمك يسيل الها اللعاب احسب حسابك تختلف هقوتك قبل تنولها


ابوخالد
لعبك يكفيني ما عاد أبغا طعـام ولا شـــراب = الحضـر ترقب سوقها والبـــدو تدفع شولها

مشية حمام الورق قبل سنين قلدها الغراب = واليوم اشوف رجوله الثنتين طول رجولها


محمدالغنامي
خـلـك وراء ذودك يـابـو خـالـد لعـلـك بالـذهـاب وأقـرب مــن الــدلال لاصعـبـت عــلاك حلولـهـا
العام راسك منصلع واليوم اشوف الراس شاب سـود الليالـي دوم تسحـب للعـرب شملولـهـا

ابوخالد
أنا أدري إنك تشتعل فالمرجـلة معك إلتهاب = دايم وعشاق المراجل كن زولك زولها

يمكني أعملي معك تال الزمن وضع إرتكاب = جريمة(ن) ينحط فاعلها على مفعولها

محمد الغنامي
الله يكافينـا المصايـب والجرايـم والــدواب الصـيـف ولــع والـعـقـارب ركـــزن زيـولـهـا
لاتعترض رمح الزناتي مامعك شفاء ذي ابكب الهـروج الكايـده وأهـرج لنـا معقولهـا

هههههاي محاوره حاميه الوطيس وذات مغزا صح الله السنتكم واكيد بصف ابو خالد
دون قصور فيك ي محمد لاني احس احاسيسنا متقاربه وتوجهاتنا ههههه
استمتعت كتير كتير بما وجدت هنا
تقبلوو مرووري وشرطتي