الليل يالشعاار واحد يجي,,,,,,

[محمد الغنامي]

الليله الليله على الشعار ابا أشن الهجوم=واللي يبا يلعب معي والله معاد يعودها

أعلن تحدي محترم حسب العوايد والسلوم=الله يجملني ورجلي ماتزل حدودها

[محمد الروقي]

الليله الليله نويت افرك بيمناي الخشوم=واخذ مكاسيبي من البدوان ونهب ذودها
لو الدعاوي يامحمد بالعزاوي والعلوم= انكان ماشفت العرب تلعن مصر وجنودها


صح لسانك يامحمد
وسمحلي معزوم على عشى في بيت الشعر مع التجار
وحيااااك معي

[محمد الغنامي]

صح لسانك

وانا وين وانت وين

ماني صوب ديارك اليوم

[محمد الغنامي]

المشكله راس الهرم لن طاح والله مايقوم=وانته تحاول تطرحه وشهودها فعضودها
لن عودت بالعفرته قسمي من خيار القسوم=والبدو دون الذود تبذل قاصيات جهودها

[محمد الروقي]

وجه ابدوي تلفحه ياصاحبي صلف السموم=قود الجيوش الي تبا عاز المدرب قودها
لعل قسمك يامحمد بس في حضك يدوم= اخاف يوخذ والمقمع ينكفي بارودها

[محمد الغنامي]

اللي تنزل بدلته من عقب ماحط النجوم=خاض المعارك وأحتما القمه وحط بنودها
جنب عن أخطار البحرمدام ماتعرف تعوم=ياقايد السرب انتبه للطايره وحيودها

[محمد الروقي]

ياصاحبي خلك ليا دارت رحا الدنيا حلوم=بعض اليماني ياصحيبي مدها من جودها
انا لها وقت الشدايد يامحمد والزوم= ليا جات ساعه يامحمد ماتعشاء اوسودها

[علي الزهيري]

صحت السنتكم ولا هنتوا

اعذروني على التاخير

[محمد الروقي]

مادمنا على البال يابو محمد الباقي يهون

وصح بدنك لين ترضى

[محمد الغنامي]

الاخ علي الزهيري

صح بدنك
يكفي مرورك العطر ولا هنت

[محمد الغنامي]

ابن الباديه

صح لسانك مليون

لي الفخر باللعب معك والتعلم منك

مره أخرى اقول صح لسان

[محمد الروقي]

سلمت وسلم راسك يابو حميد

تعرف اخوك شاعر غزلياااات بس حب يجاريك شوي

اسعدني ان استفيد منك يالذيب تقديري