كيف أقدر ماأحاتي ..؟!

[أحلام رماديه]

:

:

خايفه مني تمــل ..
يمل طيفك من وجودي ..
لأن ماعندي جديد ..
يومي مثل أمسي ..
مثل باكر ..
حياتي مابها عام جديد ..
غير هذا الحلم باقي..
والأماني ..
عايشه جوا بصبر..
ضايقٍ منها الصدر..
واي واقع ..؟!
ممكن انه يحتضنها ..
يحتضنا ..؟!
خايفه مني تمل ..
مثل مامل هذا الكون روحي..
مثل مامل هذا الليل دمعي ..
ومل بوحي ..
خايفه أمشي لوحدي ..
وتسكن الوحده جروحي..
وماأحاتي ..
ياآاآاآهـ ..!!
كيف أنا أقدر ..ماأحاتي ..
إلا نوحي ..؟!
بعد ماذاب الأمل ..
وسط الكفوف ..
ومل مني ..
مثل باقي هذا الكون كله..
كيف أنا مااقدر أحاتي..؟!
مل هذا الليل صوتي..
وانا أنادي..
زاد خوفي ..
والوله ..مثله مثل باقي صفاتي..
خايف ..!!
يدفن بصمته سؤاله ..
وباقي هذا الحلم شايف..
جواه خوف ..
خايفٍ منه تمل..!!
خايفه مني تمل ..!!
ويمل طيفك .. من وجودي..!!
وماعاد تسأل ..
أو حتى تنتظرني ..
ولاعاد يجمعنا درب ..
لا واقع ..ولا حتى حلم ..
وأخر اللحظه تقول:
لاتحاتي ..!!
كيف أنا أقدر ..ماأحاتي ..!!
وكل وجه يوم أشوفه..
ماأشوفه الا أنت ..؟!
والأسامي ..
كل حرف منها أسمك ..!!
يوم أكتب ..
او أنادي ..
غيبتك لو هي ثواني ..
كل كلي يحاتي ..
وكل ماحولي جماد ..
ليلي يلبسه السواد..
ولاجديد..
والله ماعندي جديد..
ولا بحياتي ..
فيه عام جديد..
سوا هذا الحلم يكبر..
فيه أعيش يومي أكثر..
وألتقيك ..!!
ولايهمك كثر دمعي..
همي ..وحرماني ..أو حتى صبري..
خلني أبكي..
ماعاد به شي أخسره بعدك..
أكبر طموحاتي ..
متمثله فيك ..يوم أكسبكـ..
وأكبر خساراتي ..
متمثله فيك ..يوم أخسركـ..
وش بعد باقي أكتبه ..؟!
غير أني كيف أقدر ..
ماأحاتي..؟!!

:

:

أحلام رماديه

[محمد الروقي]

صح لسانك احلام رمادية

لقلمك وبوحك عزف خاص يسمع صداه
من في اركان رواسي فل تشعلي رواسي شمع
بحروفك الغير مستغربه من كاتبة بحجم احلام رمادية
يسعدني المركز الاول هنا مللت النوم فوجدت ماهو يجعلني اتابع
فل تسمعيني كما قلتي لا تحاتي,,, فانتي نجمة من نجوم رواسي لا غنا لنا عنهااا

دمتي بحفض الرحمن

[فايز الحارثي]

احلام رماديه اغذريني ان اتي بصمت
وارحل من متصفحك بصمت

[أحلام رماديه]

:

:

محمد الروقي:
الله يسعدك ..مرورك يشرفني وأنا أسعد به..
ممنوتك أنا..

:

:

[عاشق الصمت]

خايفه أمشي لوحدي ..
وتسكن الوحده جروحي.

احلام
اهنيك من كل قلبي على نثر قلمك وجمال بووحك

لكي منى خالص التقدير

[أحلام رماديه]

:

:

فايز الحارثي:
ممنونة مرورك حتى لو كان صامتا

[تلميذة الايآم]

http://www.w6w.net/album/35/w6w_200505201626245997a2369958.gif
حلوووووووومه

ياجدي انتي

كعادة طرحك التميز

وكلمات تميزت بعبيرها الخاص

سلمتي ودمتي
تقبلي مروري عيني
http://www.w6w.net/album/35/w6w_200505201626245997a2369958.gif

[أحلام رماديه]

:

:

عاشق الصمت :
الله يسعدك وشاكره إطراءك الله لايهينك
تقديري

[كنترول المنتدى]

غير أني كيف أقدر ..
ماأحاتي..؟!!


......................

كلنا نشاطرك الأمنيه ’ وكلنا يرغب بها

كيف نقدر مانحاتي؟

عوافي يأحلام

[أحلام رماديه]

:

:

تلميذة اللأيام:

لله يسعدك يالغلا ..ممنونتك :)

[أحلام رماديه]

:

:

كنترول المنتدى:

أشكر مرورك والله يعافيك :)

[عاشقة القلم الحر]

كاتبتنا
ألراقيه ألجميلة
أحلام رماديه
مميز ما خطته قلمك من نثر وضعته بين ألسطور
من معاناة قلبك عاشق مجروح
ولايهمك كثر دمعي..
همي ..وحرماني ..أو حتى صبري..
خلني أبكي..
ماعاد به شي أخسره بعدك..
أكبر طموحاتي ..
متمثله فيك ..يوم أكسبكـ..
وأكبر خساراتي ..
دمتي بود
ودام حبر قلمك
يتلألأ بسماء ألرواسي

[أحلام رماديه]

:

:

عاشقة القلم الحر:

ودمتي أنتي بكل خير وعافيه..:)

مرورك جميل وثناءك أجمل

لك ودي

:)

: